जातिभेद विरुद्ध विश्व मञ्च, ग्लोबल फोरमको आयोजनामा आज कोलोराडोमा ६१ औं अन्तर्राष्ट्रिय जातिय विभेद उन्मुलन दिवस तथा अन्तरक्रिया कार्यक्रम सम्पन्न भएकोछ ।

संस्थाका अध्यक्ष पदम विश्वकर्माको अध्यक्षतामा सम्पन्न सो कार्यक्रममा नर्दन कोलोराडो विश्व विद्यालयका प्रा. डा. रिचार्डको विशेष उपस्थितिमा र कोलोराडोस्थित ग्लोबल फोरमका सदस्यहरूको उपस्थिति रहेको थियो ।

संस्थाका महासचिव अर्जुन वगालेको उद्घोषणमा सम्पन्न सो कार्यक्रमको आरम्भमा सार्क भिल्लेको घटनामा मृतक सदस्यहरु, नवराज विके, इनिसा विके लगायत सबै मृतात्माहरूको सम्झनामा १ मिनेट मौन धारण गरिएको थियो । कोषाध्यक्ष हर्क बराइलीको स्वागत मन्तव्य र उपाध्यक्ष अमृत विश्वकर्माले कार्यक्रमको उद्धेश्यमाथि प्रकाश पारेका थिए भने महासचिव बगालेले मार्च २१ तथा अन्तर्राष्ट्रिय महासन्धीलगायत अन्य कानूनको बारेमा प्रकाश पारेका थिए । कार्यक्रममा अध्यक्ष विश्वकर्माले संस्थाको स्थापना, उद्धेश्य, गतिविधि र संगठनको बारेमा प्रकाश पार्दै संस्थाको विधि विधानको बारेमा चर्चा गरेका थिए ।

यसैक्रममा डा. रिचार्डले आफ्नो संग्लनता, कार्यगत एकता तथा सहकार्यका क्षेत्रहरुका बारेमा चर्चा गरेका थिए । सो अवसरमा शंकर गहतराज, नवराज नेपाली, मानकाजी विके, कमल परियार, राजेश विके, पवन विश्वकर्मा, प्रकाश घतानीलगायतले आआफ्नो जिज्ञासा र सुझाव प्रकट गरेका थिए ।

कार्यक्रमको अन्तमा ग्लोवल फोरमको कोलोराडो च्याप्टर गठन गरिएको छ । च्याप्टरको अध्यक्षमा शंकर गहतराज, बरिष्ठ उपाध्यक्षमा नवराज नेपाली, सचिवमा कमल परियार, कोषाध्यक्षमा मानकाजी बिके, महिला संयोजकमा आकृति विश्वकर्मा, युवा संयोजकमा प्रस्तुत विश्वकर्मा र सदस्यहरूमा विमला वगाले र उमेश विश्वकर्मा रहेका छन् । कार्यक्रममा उपस्थित सहभागीहरूको एकमतले सो चयन गरेको हो । विधानअनुसार एक सदस्यको मनोनयन च्याप्टरको कार्यसमितिको निर्णयबाट पछि गरिने छ ।

कार्यक्रमको अन्तमा अध्यक्ष विश्वकर्माले सहभागी सबैलाई धन्यवाद र नवगठित कार्यसमितिलाई बधाइ तथा सफल कार्यकालको शुभकामना व्यक्त गरेका थिए ।