मार्च २२, २०२५ ।

जातीय विभेद विरुद्ध विश्व मन्च (ग्लोबल फोरम) को आयोजनामा मार्च २२, २०२५ का दिन भर्चुअल माध्यमबाट ६० औं अन्तर्राष्ट्रिय जातीय भेदभाव उन्मुलन दिवस तथा काउन्सिल मिटिङ सम्पन्न भएको छ ।

संस्थाका अध्यक्ष पदम विश्वकर्माको सभापतित्वमा सम्पन्न उक्त कार्यक्रममा प्रमुख अतिथिको रूपमा एनआरएन आइसीसीका अध्यक्ष डा. बद्री के.सी, विशेष अतिथि एनआरएन अमेरिकाका अध्यक्ष डा. अर्जुन बन्जाडे, ग्लोवल फोरमका सल्लाहकारहरू डा. मानबहादुर बिके, डा. द्रोण रसाली, डा. बिष्णुमाया परियार, डा. निर्मल विश्वकर्मा, आइसीडिआरका अध्यक्ष डिवी सागर, डिएनफका पूर्व अध्यक्ष भक्त विश्वकर्माले मार्च २१ को सन्दर्भ, वर्तमान अवस्था र कार्यक्रम सफलताको शुभकामना व्यक्त गरेका थिए । प्रमुख अतिथि डा. बद्री के.सी र विशेष अतिथि डा. अर्जुन बन्जाडेले दलित समुदायको हकहितका निम्ति आवश्यक पहल गर्ने, दलित समुदायका सदस्यहरूलाई आवश्यकरूपमा समावेश गर्दै जानेमा जोड दिएका थिए ।

पहिलो सत्रको कार्यक्रमको सत्रमा कार्यक्रममा उपस्थित प्रमुख अतिथि, विशेष अतिथि, अतिथि एवं सहभागीहरूलाई संस्थाका बरिष्ठ उपाध्यक्ष मोतीलाल नेपालीले आफ्नो मन्तव्यसहित स्वागत मन्तव्यबाट स्वागत गरेका थिए ।

संस्थाका महासचिव अमृत विश्वकर्माले संचालन गरेका उक्त कार्यक्रममा निवर्तमान अध्यक्ष तीर्थ बर्माले कार्यक्रममा उपस्थित प्रमुख अतिथि, विशेष अतिथि, अतिथि एवं सबै सहभागी महानुभावहरूलाई मन्तव्यसहित धन्यवाद ज्ञापन गरेका थिए ।
संस्थाका अध्यक्ष विश्वकर्माको अध्यक्षतामा सम्पन्न कार्यक्रमको दोस्रो सत्र काउन्सिल मिटिङमा महासचिव अमृत विश्वकर्मा, कोषाध्यक्ष अनिता परियारले प्रगति र आर्थिक प्रतिवेदन पेश गरेका थिए । यसैक्रममा संस्थाका सदस्य अर्जुन बगालेले संशोधित विधान संशोधनका लागि प्रस्तावहरू पेश गरेका थिए । प्रतिवेदनहरू र विधानमा आवश्यक संशोधनसहित सर्वसम्मत पारित गरिएको थियो । महासचिव अमृत विश्वकर्माले संचालन गरेका उक्त कार्यक्रममा सल्लाहकारहरु, नेपाल र जापान च्याप्टरका अध्यक्षहरु क्रमश ः संगम गहतराज र मुना सुनार लगायत विभिन्न च्याप्टरका प्रतिनिधि र सहभागीहरूले ग्लोबल फोरमको विकास र विस्तारका लागि विभिन्न सल्लाह तथा सुझावहरू प्रस्तुत गरेका थिए । कार्यक्रममा ग्लोबल फोरमका पदाधिकारीहरू, सल्लाहकारहरू, विभिन्न च्याप्टरका पदाधिकारीहरू, विभिन्न संघ संस्थाका पदाधिकारीहरू र यसका सदस्यको बाक्लो सहभागिता रहेको थियो । कार्यक्रममा सहभागी सबैलाई धन्यवाद ज्ञापन गर्दै सहभागीहरूको सल्लाह, सुझाव र मन्तव्यको लागि आभार व्यक्त गर्दै अध्यक्ष विश्वकर्माले कार्यक्रम समापन गरेका थिए ।